About
Charetti Maria Francisca a nase 13 di April 1981 na Korsou. Yu muhe di Vilma Francisca i Harry Felipa. Charetti su infansia komo parti di un famia humilde den e bario di Pretu/Desavaan, a wordu hopi influensha pa e karakter ku su mayornan tabatin. Ambos trahado honesto i integro. Na e edat hoben di 11 aña Charetti mes tambe a kuminsa yuda su mama traha den panaderia. Mientras su mama tabata bari, Charetti a resulta bon ku sifra trahando na kasa. Esaki tabata sosode tur djabierne i djasabra pa den siman e por studia i kaba su skol.
Después di a kaba Maria College, Charetti a bishita MIL i studia Business management na Academie voor Bedrijfs Management. Charetti a labora den sektor bankario, pero su pashon mes tabata pa yuda esnan den nesesidat. Esaki a guie na lanta My Father’s House komo un hogar alternativo pa hobennan. Fundador di Curaçao Charity Foundation, ko fundador di Curaçao Youth Care i pa mas ku 20 aña konsehero familiar i lider spiritual.
Konosi riba retnan sosial komo unu ku ta pone bo pensa i traha riba bo relashon i famia, Charetti mes ta kasa ku e frei di su hubentut Andy America pa 20 aña kaba.
E union aki a produsi 5 yu ku ta nan tesoro ; Abigail – Anisha – Andrew – David – Timothy esaki sin lubida e kantidat di yunan spiritual ku e pareha aki ta guia.
Entre 2016 pa 2017, Charetti a hasi su entrada den politika i a fungi 7 luna komo miembro di parlamento pa Movementu Futuro Korsou. Amigu i enemigu ta rekonose su kontribushon den e tempu ei komo unu na nivel i ta mira den dje un bos di speransa.
“Mi pashon ta pa mira famianan restoura. Mi añanan komo konsehero familiar a ponemi realisa ku famianan salu mester ta sentral den un miho Korsou.” E konvikshon aki ta loke a hiba Charetti na aksepta e reto pa ku bo konfiansa trese un kambio den e rumbo di nos pais.
Contact
Bo por email mi na info@charettiamerica.com